سوال: اکثر لوگ جمعرات کو سورہ بقرہ کی تلاوت کرتے ہیں تاکہ اس سورت کی خیر و برکت حاصل کرسکیں، کیا ان کا یہ عمل صحیح ہے؟ نیز کس دن اس کی تلاوت کرنا زیادہ بہتر ہے؟

جواب: سورہ بقرہ کا خیر وبرکت کے لیے پڑھنا احادیث مبارکہ سےثابت ہے، البتہ اسے کسی خاص دن پڑھنے کی تخصیص احادیث سےثابت نہیں ہے، لہذا کسی خاص دن کی تخصیص کرکے اس کو لازم سمجھنا یا سنت خیال کرنا بدعت ہے، اس سے بچنا چاہیے، البتہ اگر کوئی شخص اپنے معمولات کے مطابق کسی دن مثلاً جمعرات کو خاص کرلیتا ہے، لیکن خاص جمعرات ہی کو پڑھنا لازم نہیں سمجھتا ، بلکہ کبھی کبھار کسی اور دن بھی پڑھ لیتا ہے تو اس طرح پڑھنے کی گنجائش ہے۔