سوال:
مفتی صاحب! دو بیویوں کے درمیان ہمبستری میں برابری کرنا شرعاً ضروری ہے یا نہیں؟
جواب: واضح رہے کہ دو بیویوں کے درمیان نان نفقہ، رہائش اور رات گزارنے میں برابری کرنا شوہر پر لازم ہے، اسی طرح اگر شوہر ایک بیوی سے کوئی اچھا برتاؤ کرے، مثلاً: کوئی ہدیہ دے تو ایسا ہی برتاؤ دوسری بیوی کے ساتھ بھی کرے، البتہ ہمبستری (جماع) میں بیویوں کے درمیان برابری کرنا شوہر پر واجب نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (201/3، ط: دار الفکر)
(يجب) وظاهر الآية أنه فرض نهر (أن يعدل) أي أن لا يجور (فيه) أي في القسم بالتسوية في البيتوتة (وفي الملبوس والمأكول) والصحبة (لا في المجامعة) كالمحبة بل يستحب ( بلا فرق بين فحل وخصي وعنين ومجبوب ومريض وصحيح ) ۔۔۔ ( والبكر والثيب والجديدة والقديمة والمسلمة و الكتابية سواء ) لإطلاق الآية۔
واللّٰه تعالٰی اعلم بالصواب
دارالافتاء الاخلاص،کراچی