سوال: ہم پچھلے چند سالوں سے بارہ ربیع الاول کو اپنے گھر میں قرآن خوانی کرتے ہیں جس میں صرف گھر کے افراد ہوتے ہیں، اس دن کچھ کھانا زیادہ بنالیتے ہیں تاکہ پڑوس اور رشتہ داروں میں بھیج دیں، ہمارا یہ عمل بدعت میں تو شمار نہیں ہوگا؟

جواب: اگر کسی قسم کا غلط عقیدہ نہ ہو اور اس چیز کو لازم بھی نہ سمجھا جاتا ہو تو مذکورہ عمل کرنے کی گنجائش ہوگی، البتہ کبھی کبھار تاریخوں میں رد و بدل کر لینا چاہیے۔ چونکہ آپ کے سالہا سال سے اس عمل کو 12 ربیع الاول والے دن ہی کرنے سے اس کا التزام سمجھ میں آتا ہے، لہذا اس سال تاریخ میں ردوبدل کرلیں، تاکہ بدعت میں شمار نہ ہو۔