سوال:
السلام علیکم ورحمۃ اللہ وبرکاتہ، مفتی صاحب ! اگر کوئی شخص کسی وجہ سے روزہ نہ رکھ سکے تو کیا اس کے لئے تراویح کی نماز پڑھنا ضروری ہے؟
جواب: واضح رہے کہ تراویح کی نماز روزے کے تابع نہیں ہے، دونوں الگ الگ عبادات ہیں، لہذا جو شخص کسی وجہ سے روزہ نہ رکھ سکے، اس کے لیے بھی تراویح کی نماز پڑھنا سنت ہے، اگر نہیں پڑھے گا تو سنت چھوڑنے کی وجہ سے گناہ گار ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکاۃ المصابیح: (کتاب الصوم، ص: 173)
عن سلمان الفارسی قال: خطبنا رسول اللہ صلی اللہ علیہ وسلم فی آخر یوم من شعبان فقال: یاایھا الناس! قد اظلکم شھر عظیم، شہر مبارک، شہر فیہ لیلة خیر من الف شھر، جعل اللہ فریضة وقیام لیلة تطوعا۔۔۔۔۔۔الخ
واللہ تعالٰی اعلم بالصواب
دارالافتاء الاخلاص،کراچی