سوال: السلام علیکم، مفتی صاحب!اگر کوئی شخص بحری جہاز میں سفر کے دوران فوت ہوجائے تو اسکو دفنانے کے بارے میں علماء کیا فرماتے ہیں؟ اگر اس کی لاش کو سمندر میں ڈال دیں، تو کوئی حرج تو نہیں ہے؟

جواب: اگر بحری جہاز وغیرہ میں سفر کے دوران کوئی فوت ہوجائے اور جہاز کے کنارے پر پہنچنے تک میت میں کسی قسم کے تغیر کا کوئی اندیشہ نہ ہو تو غسل اور کفن دے کر جنازے کی نماز پڑھ کر خشکی میں دفن کیا جائے گا اور اگر تغیر آجائے یا بدبو وغیرہ پھیلنے لگے تو غسل اور کفن دیکر جنازے کی نماز پڑھ کر وزنی پتھر وغیرہ کے ساتھ باندھ کر سمندر میں ڈال دینا چاہیے۔