سوال: بہت سے لوگ کہتے ہیں کہ مسواک کو استعمال کے بعد پھینکنا نہیں چاہیے بلکہ اس کو دفنا دینا چاہیے، براہ کرم اس پر رہنمائی فرما دیں۔

جواب: اگرمسواک ناقابل استعمال ہوجائے اور اسے کہیں پھینک دیا جائے تو اگرچہ ایسا کرنا گناہ نہیں ہے، لیکن ادب کا تقاضا یہ ہے کہ اس کو کسی پاک جگہ پر رکھ دیا جائے یا ایسی جگہ مٹی وغیرہ میں دبا دیا جائے جو لوگوں کی عام گزر گاہ نہ ہو یا پھر کسی دریا، نہر یا جاری پانی میں ڈال دیا جائے، البتہ اس کو کچرے وغیرہ میں پھینکنا مناسب نہیں ہے۔