سوال:
السلام علیکم! مجھ پر قربانی واجب ہےمگر آج کل مالی حالات تنگ ہیں، اگر میں وقف قربانی میں پیسہ ملالوں تو کیا واجب ادا ہوجائے گا؟ کیونکہ وقف قربانی کم پیسوں میں ہوجاتی ہے۔
جواب: واضح رہے کہ صاحب نصاب شخص پر ایک چھوٹا جانور یا بڑے جانور کے سات حصوں میں سے کم از کم ایک حصے کی قربانی کرنا واجب ہے، لہذا وقف قربانی میں ساتواں حصہ لینے سے بھی قربانی کا فریضہ ذمہ سے ادا ہوجائے گا۔
۔۔۔۔۔۔۔۔۔
دلائل
الفتاوی الهندية: (کتاب الاضحية، الباب الخامس في بيان محل إقامة الواجب، 297/5، ط: دار الفکر)
(وأما قدره) : فلا تجوز الشاة والمعز إلا عن واحد، وإن كانت عظيمة سمينة تساوي شاتين مما يجوز أن يضحي بهما، ولا يجوز بعير واحد ولا بقرة واحدة عن أكثر من سبعة، ويجوز ذلك عن سبعة وأقل من ذلك، وهذا قول عامة العلماء.
واللہ تعالٰی اعلم بالصواب
دارالافتاء الاخلاص،کراچی