سوال:
مفتی صاحب! میت کے مصنوعی دانت لگے ہوئے ہوں تو تدفین کے وقت نکال لینے چاہیں یا نہیں؟
جواب: واضح رہے کہ میت کے مصنوعی دانت اگر عارضی ہوں اور آسانی سے نکالے جا سکتے ہوں تو تدفین سے پہلے انہیں نکال لینا چاہیے، اگر دانت مستقل طور پر جڑے (Fix) ہوں اور نکالنا ممکن نہ ہو یا نکالنے کی صورت میں میت کی بے حرمتی ہو تو اُنہیں نہ نکالا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (238/2، ط: سعيد)
ولو بلع مال غيره ومات هل يشق قولان، والأولى نعم، فتح
قوله: (والأولى نعم) لأنه وإن كان حرمة الآدمي أعلى من صيانة المال لكنه أزال إحترامه بتعديه كما في الفتح، ومفاده أنه لو سقط في جوفه بلا تعد لا يشق اتفاقاً.
واللّٰه تعالٰی اعلم بالصواب
دارالافتاء الاخلاص،کراچی