سوال: کیا فرماتے ہیں علمائے کرام اس مسئلہ کے بارے میں کہ ہمارے معاشرے میں یہ رواج ہے کہ رخصتی کے وقت دلہن کے سر پر قرآن پکڑ کر اس کو گاڑی تک لے جایا جاتا ہے، اس کی شرعی حیثیت کیا ہے؟

جواب: واضح رہے کے رخصتی کے وقت دلہن کے سر پر قرآن پکڑ کر گاڑی تک لے جانا محض ایک دنیاوی رسم ہے، اس کی شرعا کوئی حیثیت نہیں ہے، اس میں قرآن پاک کی بے ادبی کا بھی اندیشہ ہے،اور اگر اسے لازمی یا دین کا حصہ سمجھ کر کیا جائے تو یہ بدعت کے زمرے میں آئے گا، لہذا اس سے احتراز کرنا ضروری ہے۔