سوال:
کیا فرماتے ہیں علمائے کرام اس مسئلہ کے بارے میں کہ ایک شخص پہلے سے باوضو تھا، اس کے باوجود ثواب حاصل کرنے کی خاطر اس نے دوبارہ وضو کرنا شروع ہی کیا تھا کہ اتنے میں امام صاحب رکوع میں چلے گئے، یہ شخص امام صاحب کو رکوع میں پانے کی وجہ سے وضو درمیان میں چھوڑ کر نماز میں شامل ہو گیا، اب کیا اس کا پچھلے وضو سے نماز پڑھنا درست ہے؟
جواب: سوال میں پوچھی گئی صورت میں اگر پچھلا وضو برقرار تھا تو نماز پڑھنا صحیح ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الترمذی: (باب ما جاء انہ یصلی الصلوات بوضوء واحد، 10/1)
عن سلیمان بن بریدۃ عن أبیہ قال کان النبی ﷺ یتوضأ لکل صلاۃ فلما کان عام الفتح صلی الصلوات کلہا بوضوء واحد۔۔۔۔۔۔۔۔۔۔قال ابو عیسیٰ۔۔۔والعمل علی ھذا عند اھل العلم انہ یصلی الصلوات بوضوء واحد ما لم یحدث،وکان بعضھم یتوضا لکل صلاہ استحبابا وارادہ الفضل۔
واللہ تعالٰی اعلم بالصواب
دارالافتاء الاخلاص،کراچی