سوال:
مفتی صاحب! کیا میت کو غسل دینے کے بعد خود بھی غسل کر لینا چاہیے؟ اس کا حکم اور دلیل کیا ہے؟
جواب: واضح رہے کہ میت کو غسل دینے کے بعد غسل دینے والے کے لیے خود غسل کرنا مستحب ہے، جیسا کہ حضرت ابو ہریرہ (رضی اللہ عنہ) سے روایت ہے کہ نبی کریم صلی اللہ علیہ وسلم نے فرمایا: "جو شخص کسی میت کو غسل دے تو اسے چاہیے کہ وہ خود بھی غسل کر لے۔" (سنن أبی داؤد: حدیث نمبر:3161)
تاہم غسل دیتے ہوئے اگر کوئی ناپاکی بدن یا کپڑوں پر لگ گئی ہو تو اس کو پاک کرنا ضروری ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن أبی داؤد: (رقم الحدیث: 3161، ط: الأرنؤوط)
حدثنا أحمد بن صالح، حدثنا ابن أبي فديك، حدثني ابن أبي ذئب، عن القاسم بن عباس، عن عمرو بن عمير عن أبي هريرة، أن رسول الله صلى الله عليه وسلم، قال: "من غسل الميت فليغتسل، ومن حمله فليتوضأ".
رد المحتار: (202/2، ط: سعيد)
٘٘خاتمة: يندب الغسل من غسل الميت ويكره أن يغسله جنب أو حائض۔
واللّٰه تعالٰی اعلم بالصواب
دارالافتاء الاخلاص،کراچی