سوال:
مفتی صاحب! یہ پوچھنا ہے کہ حضرت آدم علیہ السلام سے جو توبہ و استغفار کے کلمات منقول ہیں، وہ بتادیں۔
جواب: حضرت آدم علیہ السلام سے توبہ اور استغفار کے جو کلمات منقول ہیں، اس کی صراحت قرآن مجید میں سورہ اعراف کی آیت نمبر 23 میں درج ذیل کلمات کے ساتھ موجود ہے۔
قرآن مجید میں ہے: قَالَا رَبَّنَا ظَلَمْنَاۤ اَنْفُسَنَا وَاِنْ لَّمْ تَغْفِرْ لَـنَا وَتَرْحَمْنَا لَـنَكُوْنَنَّ مِنَ الْخٰسِرِيْنَ (سورۃ الاعراف، الایة: ٢٣)
مفتی شفیع عثمانی صاحب رحمہ اللہ معارف القرآن میں رقمطراز ہیں: "وہ کلمات جو حضرت آدم علیہ السلام کو بغرضِ توبہ بتلائے گئے کیا تھے، اس میں مفسرین صحابہؓ سے کئی روایات منقول ہیں، مشہور قول حضرت ابنِ عباسؓ کا ہے کہ وہ کلمات وہی ہیں جو قرآن مجید میں دوسری جگہ منقول ہیں یعنی: قَالَا رَبَّنَا ظَلَمۡنَآ أَنفُسَنَا وَإِن لَّمۡ تَغۡفِرۡ لَنَا وَتَرۡحَمۡنَا لَنَكُونَنَّ مِنَ ٱلۡخَٰسِرِينَ (الاعراف: 23)"
(معارف القرآن: 226/1، ط: ادارة المعارف)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
التفسير المنير: (142/1، ط: دار الفکر)
وتوبة آدم كانت بقوله تعالى: {ربنا ظلمنا أنفسنا وإن لم تغفر لنا وترحمنا لنكونن من الخاسرين} [الأعراف 23/ 7]، وهذا هو المروي عن ابن عباس.
واللہ تعالٰی اعلم بالصواب
دارالافتاء الاخلاص،کراچی