سوال: امید کرتا ہوں آپ خیریت سے ہونگے۔
جناب میں نے مفتی طارق مسعود صاحب کا ایک بیان سنا، جس میں انہوں نے بتایا کہ جب ایک لڑکا لڑکی ایک دوسرے کو سچے دِل سے قبول کر کے نارملی بھی 3 بار قبول ہے کہہ دیں تو انکا نکاح ہو جاتا ہے۔
میں اور میری منگیتر ایک دوسرے سے آن لائن ویڈیو کال پر 3 ، 3 بار کہہ چکے ہیں کہ میں نے آپ سے نکاح کرلیا ہے، تو کیا ہمارا نکاح ہو گیا ہے؟
جزاک اللہ

جواب: نکاح منعقد ہونے کے لئے مجلس نکاح میں دو گواہوں کا موجود ہونا شرط ہے، لہذا اگر بغیر گواہوں کے ایجاب و قبول ہوجائے تو نکاح منعقد نہیں ہوتا ہے۔
واضح رہے کہ مفتی طارق مسعود صاحب کے کہنے کا ہرگز یہ مطلب نہیں ہے کہ گواہوں کی ضرورت نہیں ہے، بلکہ ان کے کہنے کا مطلب یہ ہے کہ اگر صرف گواہ ہوں اور لڑکا، لڑکی ان کی موجودگی میں ایجاب و قبول کرلیں، تو نکاح منعقد ہوجاتا ہے۔