سوال:
مفتی صاحب! معلوم یہ کرنا تھا کہ اذان دیتے وقت کانوں میں انگلیاں دینے کی شرعی حیثیت کیا ہے؟
جواب: واضح رہے کہ بلند آواز سے اذان دینا شریعت میں مطلوب ہے، اس لیے اذان دیتے وقت کانوں میں انگلیاں دینے کو مستحب قرار دیا گیا ہے تاکہ مؤذن خوب اچھی طرح بلند آواز سے اذان دے، چنانچہ سنن ابن ماجہ میں روایت ہے کہ جناب نبی کریم ﷺ نے حضرت بلال رضی اللہ تعالیٰ عنہ کو حکم دیا : ’’وہ اذان دینے کے وقت اپنی دونوں انگلیوں کو اپنے دونوں کانوں میں ڈال کر اذان دیا کریں‘‘، اور اس کی وجہ یہ بیان فرمائی: ’’اس طرح کرنے سے تمہاری آواز بلند ہوگی‘‘۔ (سنن ابن ماجه، حدیث نمبر:710)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن ابن ماجۃ: (باب السنۃ في الأذان، رقم الحدیث: 710، 52/1، ط: دار الفکر)
حدثنا عبد الرحمن بن سعد بن عمار بن سعد، مؤذن رسول الله صلى الله عليه وسلم، حدثني أبي، عن أبيه، عن جده، أن رسول الله صلى الله عليه وسلم أمر بلالاً أن يجعل إصبعيه في أذنيه، وقال: «إنه أرفع لصوتك»".
واللہ تعالٰی اعلم بالصواب
دارالافتاء الاخلاص،کراچی