سوال: السلام علیکم، قضاء فرض روزے رکھنے کیلئے سحری کا کیا حکم ہے؟ نیز اگر قضاء روزہ کیلئے سحری کے لئے آنکھ نہ کھل سکے اور روزہ رکھ لیا جائے تو کیا روزہ ہوجائیگا؟

جواب: واضح رہے کہ سحری کھانا مستحب ہے، فرض یا واجب نہیں ہے،اس لئے اگر کسی نے سحری نہیں کی، تو اس کا روزہ ہوجائے گا، البتہ قضاء روزے کے لیے ضروری ہے کہ جس دن قضاء روزہ رکھنا چاہتا ہے، اس دن کی صبحِ صادق کے طلوع ہونے سے پہلے یا رات سے ہی روزے کی نیت کر لے، لہذا اگر طلوعِ صبحِ صادق سے پہلے پہلے روزے کی نیت نہیں کی، تو اس دن قضاء روزہ رکھنا درست نہ ہو گا۔