سوال:
مفتی صاحب! داڑھی بعض گھنی ہو اور بعض ہلکی ہو تو وضو میں کس طرح دھویا جائے؟
جواب: واضح رہے کہ اگر داڑھی ہلکی ہو اور نیچے کی جلد نظر آتی ہو تو جلد تک پانی پہنچانا ضروری ہے، لیکن اگر داڑھی اس قدر گھنی ہو کہ بالوں کی کثرت کی وجہ سے جلد نظر نہ آتی ہو تو جلد تک پانی پہنچانا ضروری نہیں ہے، تاہم اس صورت میں ان بالوں کو دھونا لازمی ہے جو چہرے کی حدّ کے اندر ہیں، البتہ تھوڑی سے نیچے لٹکے ہوئے بالوں کو دھونا ضروری نہیں ہے، بلکہ انہیں دھونا افضل اور بہتر ہے۔
لہذا سوال میں ذکر کردہ صورت میں مذکور بالا تفصیل کے مطابق عمل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (100/1، ط: دار الفكر)
(وغسل جميع اللحية فرض) يعني عمليا (أيضا) على المذهب الصحيح المفتى به المرجوع إليه۔۔۔ثم لا خلاف أن المسترسل لا يجب غسله ولا مسحه بل يسن، وأن الخفيفة التي ترى بشرتها يجب غسل ما تحتها كذا في النهر. وفي البرهان: يجب غسل بشرة لم يسترها الشعر كحاجب وشارب وعنفقة في المختار
واللہ تعالٰی اعلم بالصواب
دارالافتاء الاخلاص، کراچی