سوال: اگر سر کے بالوں پر رنگ وغیرہ لگا ہوا ہو اور غسل واجب ہو جائے تو غسل کرنے سے پہلے سر دھویا جائے گا یا وضو کر کے غسل کر لیا جائے؟

جواب: عام طور پر بالوں کا رنگ تبدیل کرنے کے لیے جو مہندی، خضاب یا رنگ (Dye) وغیرہ آتے ہیں، وہ پانی کے جلد تک پہنچنے سے مانع نہیں ہوتے، یعنی وہ لگا لینے سے پانی رکتا نہیں، بلکہ جلد تک پہنچ جاتا ہے، اس قسم کی مہندی یا رنگ وغیرہ کو استعمال کرنے کے بعد اگر غسل واجب ہوجائے تو عام طریقہ سے غسل کرنے سے غسل ہوجاتا ہے، البتہ اگر کوئی رنگ ایسا ہو جس کی تہہ بالوں پر جم جاتی ہو جو کہ مشاہدہ سے معلوم ہو سکتا ہے تو ایسے رنگ کوہٹائے بغیر غسل نہیں ہو گا۔