سوال:
السلام علیکم، مفتی صاحب! دعا کس طرح مانگی جائے؟ سب سے پہلے حمد و ثنا بیان کی جائے یا اس کے بغیر بھی دعا مانگ سکتے ہیں؟
جواب: واضح رہے کہ دعا کے آداب میں سے ہے کہ سب سے پہلے اللہ تعالی کی حمد و ثنا بیان کرے، پھر آپ صلی اللہ علیہ وسلم پر درود شریف پڑھے، اور پھر اپنے لیے اور تمام مسلمان مردوں اور عورتوں کیلئے دعائے مغفرت کرے، پھر جو حاجت ہو وہ مانگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوہ المصابیح: (ص: 87)
عن عبد الله، قال: كنت اصلي والنبي صلى الله عليه وسلم وابو بكر، وعمر معه، فلما جلست بدات بالثناء على الله ثم الصلاة على النبي صلى الله عليه وسلم، ثم دعوت لنفسي، فقال النبي صلى الله عليه وسلم: " سل تعطه، سل تعطه "
واللہ تعالٰی اعلم بالصواب
دارالافتاء الاخلاص،کراچی