سوال: السلام علیکم،
اگر ایک شخص یا لڑکی کو بالغ ہونے کے بعد حج اس کے ماں باپ نے کروایا، جب کہ اس کی اپنی مالی حیثیت نہیں تھی، تو اب جب اسکی مالی حیثیت ہو جائے تو کیا حج دوبارہ کرنا ہو گا یا پہلی دفعہ میں فرض ادا ہو گیا؟
جزاک اللہ

جواب: صورت مسئولہ میں مالی استطاعت نہ رکھنے والے شخص نے اگر فرض کی نیت سے احرام باندھ کر حج کیا تھا، تو اس پر مالدار ہونے کے بعد دوبارہ حج فرض نہیں ہے، لیکن اگر اس نے خاص نفل کی نیت سے احرام باندھ کر حج کیا تھا، تو اس پر مالدار ہونے کے بعد حج فرض ہے۔
اگر اس نےفرض یا نفل وغیرہ کی نیت کے بغیر مطلق نیت کرکے احرام باندھا تھا، اس صورت میں بھی مالدار ہونے کے بعد اس شخص پر دوبارہ حج فرض نہیں ہوگا۔