سوال:
السلام علیکم، مفتی صاحب! نماز میں سلام پھیرنے کے بعد جو دعائیں وغیرہ پڑھی جاتی ہیں مثلاً استغفار یا آیت الکرسی پڑھنا، ان کا کیا حکم ہے؟ کیا یہ پڑھنا ضروری ہے؟
جواب: واضح رہے کہ نماز سے فارغ ہونے کے بعد آیت الکرسی اور تسبیحات پڑھنا ضروری نہیں، مگر احادیث میں ان کی بڑی فضیلت آئی ہے، لہذا ان کا اہتمام کرنا چاہیے، غیر ضروری سمجھ کر نہ پڑھنا بڑے خسارے کی بات ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکاۃ المصابیح: (ص: 89)
عن کعب بن عجرۃ قال قال رسول اﷲ ﷺمعقبات لا یخیب قائلھن اوفاعلھن دبر کل صلوۃ مکتوبۃ ثلث وثلثون تسبیحۃ وثلث وثلثون تحمیدۃ واربع وثلون تکبیرۃ رواہ مسلم ۔
الدر المختار: (قبیل فصل فی القراءۃ، 530/1)
ویستحب ان یستغفر ثلاثاً ،ویقراآیۃ الکرسی والمعوذات ویسبح ویحمدہ ویکبر ثلاثا وثلاثین ،ویہلل تمام المائۃ ویدعو ویختم بسبحان ربک ۔
واللہ تعالٰی اعلم بالصواب
دارالافتاء الاخلاص،کراچی