سوال: السلام علیکم، مفتی صاحب! اگر کسی روزے دار کو دن کے وقت میں غسل واجب ہو جائے، تو کیا اس سے روزہ ٹوٹ جائے گا؟ اگر نہیں تو وہ غسل کس طرح کرے گا؟ کلی میں غرغرہ کرے یا نہ کرے؟

جواب: واضح رہے کہ روزے کی حالت میں اگر احتلام ہو جائے، تو اس سے روزہ نہیں ٹوٹے گا، البتہ روزے کی حالت میں غسل کرتے وقت اس بات کا خیال رکھا جائے کہ پانی نہ تو حلق سے نیچے اترے، اور نہ دماغ تک پہنچے، اس لیے کلی میں غرغرہ کرنے اور ناک میں پانی اوپر تک چڑھانے سے گریز کرنا چاہیے۔