سوال: السلام علیکم، مفتی صاحب! اگر کوئی شخص منت مانے کہ اگر فلاں کام ہوجائے، تو دس روزے رکھوں گا، پھر وہ کام ہو جائے، تو اگر گرمی کی وجہ سے روزے نہ رکھ سکے، تو اس کے بدلے فدیہ دے سکتا ہے یا نہیں؟

جواب: واضح رہے کہ اگر گرمی کی وجہ سے روزے نہیں رکھ سکتا، تو سردیوں میں ان روزوں کو رکھ لے، اس عارضی عذر کی بنا پر روزے کے بدلے فدیہ ادا کرنا صحیح نہیں ہے، البتہ اگر کوئی ایسا عذر ہو، جس کی وجہ سے آئندہ بھی روزہ نہ رکھ سکتا ہو، تو ہر روزے کے بدلے کسی محتاج کو صدقہ فطر کی مقدار غلہ یا اس کی قیمت دے دے۔