سوال:
السلام علیکم، مفتی صاحب! اگر کسی شخص کے اوپر کفارے کے روزے لازم ہوں، اور اس نے روزے رکھنا شروع کیے، مگر درمیان میں کسی بیماری کی وجہ سے کچھ روزے چھوٹ گئے، تو کیا پھر دوبارہ سے دو مہینے کے روزے رکھنا ہوں گے یا جتنے رہ گئے ہیں، وہی رکھنا کافی ہونگے؟
جواب: واضح رہے کہ اگر بیماری کی وجہ سے کفارہ کا روزہ درمیان میں چھوٹ جائے، تو تندرست ہونے کے بعد نئے سرے سے دو مہینے کے مسلسل روزے رکھنا پڑیں گے، محض چھوٹے ہوئے روزے رکھ لینا کافی نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (109/2)
فان لم یجد صام شھرین متتابعین۔۔۔۔۔
فلو افطر ولو لعذر استانف الا لعذر الحیض۔
واللہ تعالٰی اعلم بالصواب
دارالافتاء الاخلاص،کراچی