عنوان:
بیماری یا کمزوری بڑھنے کی وجہ سے روزہ چھوڑنا(3150-No)
سوال:
السلام علیکم، مفتی صاحب! اگر کوئی شخص بیمار ہو، اور اس کو قوی اندیشہ ہو کہ روزہ رکھنے کے بعد اس کی بیماری بڑھ جائے گی، اور ڈاکٹر کی رائے ہو کہ وہ ہر دو گھنٹے بعد پانی پی لیا کرے، تو ایسی صورت میں کیا وہ رمضان کا روزہ چھوڑ سکتا ہے؟
جواب: واضح رہے کہ رمضان المبارک کے روزے فرض ہیں اور بلا عذرِ شرعی چھوڑنا جائز نہیں ہے، البتہ اگر کسی کو ایسی بیماری ہو کہ جس میں روزہ رکھنے کی وجہ سے جان کی ہلاکت یا کسی عضو کے ضائع ہو جانے یا مرض کے بڑھ جانے کا اندیشہ غلبہ ظن تجربہ یا ماہر مسلمان طبیب کے مشورے کی بنیاد پر ہو تو روزہ چھوڑنے کی گنجائش ہے، لیکن وہ روزہ معاف نہیں ہوگا، بلکہ صحت یاب ہونے کے بعد اس کی قضا لازم ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوی الھندیۃ: (207/1)
ومنھا المرض المریض اذا خاف علی نفسہ التلف او ذھاب عضو یفطر بالا جماع وان خاف زیادۃ العلۃ وامتداوہ فکذلک عندنا وعلیہ القضاء اذا فطر کذا فی المحیط، ثم معرفۃ ذالک باجتھاد المریض والاجتھاد غیر مجردا لو ھم بل ھو غلبۃ ظن عن امارۃ او تجربۃ اوباخبار طبیب مسلم۔۔۔۔الخ۔
واللہ تعالٰی اعلم بالصواب
دارالافتاء الاخلاص،کراچی
Beemari barhnay ki wajah say rozah choorna, bemari, barhne, se, roza, chorna,
Breaking a fast due to increase in illness, Breaking the fast due to progression of disease, sickness, deterioration of health