سوال: السلام علیکم ورحمۃ اللہ وبرکاتہ، مفتی صاحب!
عرض یہ ہیکہ فاطمہ نامی خاتون کے چار بیٹے ہیں، باپ فوت ہوگیا ہے، مستقل سکونت چھوٹے بیٹے کے پاس ہے، جو کہ مرکزی شہر میں رہائش پذیر ہیں، جبکہ دوسرے بیٹے دیگر اضلاع میں قیام پذیر ہیں، اب اس خاتون فاطمہ کے لئے کیا حکم ہے، جب وہ چند دنوں کے لئے دوسرے بیٹے کے گھر جاتی ہیں، تو وہاں وہ قصر پڑھے گی یا پوری نماز ؟ اس بات کے ہوتے ہوئے کہ وہ اسکے اپنے پسر حقیقی کا گھر ہے۔

جواب: صورت مسئولہ میں چونکہ والدہ چند دنوں کے لیے اپنے بیٹے کے گھر جاتی ہیں، اور وہاں مستقل رہائش کی نیت نہیں ہوتی، اس لیے اگر والدہ پندرہ دن سے کم رہنے کی نیت سے جائیں گی، تو وہاں جاکر قصر نماز پڑھیں گی۔