سوال: السلام علیکم، مفتی صاحب! قبر کے اوپر پانی کا چھڑکاؤ کرنا جائز ہے یا نہیں؟ اور اس کا کیا طریقہ ہے؟

جواب: واضح رہے کہ میت کو دفنانے کے بعد مٹی جمانے کی خاطر قبر پر پانی چھڑکنا مستحب ہے، نبی کریم صلی اللہ علیہ وسلم سے پانی کا چھڑکاؤ کرنا ثابت ہے، اور سر کی طرف سے پانی چھڑکنا شروع کرے، اور پائنتی تک چھڑکے۔ اسی طرح اگر بعد میں کسی وجہ سے قبر کی مٹی پھیل جائے، تو اس کو درست کرکے پانی چھڑکنے میں کوئی مضائقہ نہیں ہے۔