سوال:
السلام علیکم، مفتی صاحب! کل ایک جگہ مغرب کی نماز پڑھنے کا اتفاق ہوا تو وہاں کے مولوی صاحب اللہ اکبر کی جگہ اللہ اکبڑ کہتے تھے یا یوں کہہ لیں کہ ان کی زبان کی وجہ سے اللہ اکبڑ نکلتا تھا۔ پوچھنا یہ ہے کہ اس سے نماز میں کوئی فرق تو نہیں پڑتا؟
جواب: سوال میں ذکر کردہ صورت میں اگر واقعتاً امام تکبیر تحریمہ میں اللہ اکبر کے بجائے "اللہ اکبڑ یعنی را کے بجائے ڑا" پڑھتا ہے تو ایسا پڑھنا شرعاً غلط اور خلافِ سنت ہے، البتہ اس صورت میں نماز ہو جائے گی، لیکن امام پر لازم ہے کہ اس لفظ کو درست تلفّظ کے ساتھ ادا کرنے کی کوشش کرے۔
۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الهندية : (73/1، ط: دار الفکر)
في المبسوط: لو مدّ ألف الله لا يصير شارعاً وخيف عليه الكفر إن كان قاصدا، وكذا لو مدّ ألف أكبر أو باءه لا يصير شارعاً ولو مدّ هاء الله فهو خطأ لغة، وكذا لو مدّ راءه ومدّ لام الله صواب وجزم الهاء خطأ، كذا في فتح القدير.
واللہ تعالٰی اعلم بالصواب
دارالافتاء الاخلاص، کراچی