سوال: السلام علیکم، مفتی صاحب! ہمارے معاشرے میں لوگ قسطوں پر کاروبار کرتے ہیں، جیسے ٹی وی، فریج وغیرہ کو قسطوں پر دیتے ہیں، اگر ایک چیز مارکیٹ میں پانچ ہزار کی ہے، تو قسطوں پر اس کو ساڑھے پانچ ہزار کی فروخت کرتے ہیں، کیا اس طرح خرید و فروخت کرنا سود ہے؟ شرعا اس کا کیا حکم ہے؟

جواب: واضح رہے کہ ایک چیز نقد کی صورت میں کم قیمت پر، اور ادھار کی صورت میں زیادہ قیمت پر فروخت کرنا جائز ہے، یہ معاملہ سود کے زمرے میں نہیں آتا، البتہ بیچتے وقت نقد یا ادھار پر فروخت کرنے اور قیمت اور قسطوں کو متعین کرنا ضروری ہے۔