عنوان:
ایکسیڈنٹ سے مرنے والے کو غسل دیا جائے گا(3336-No)
سوال:
السلام علیکم، مفتی صاحب! میرا ایک دوست کراچی سے حیدرآباد جا رہا تھا، راستے میں اس کو ایک ٹرک والے نے ٹکر ماردی، اور اس کے جسم پر خوب چوٹیں آئیں، اس کا جسم بری طرح زخمی ہو گیا، جس کی وجہ سے وہ انتقال کر گیا، مسجد کی امام نے اسے بغیر غسل دئیے جنازہ پڑھا کر دفنا دیا، کیا شرعا یہ طریقہ درست ہے؟
جواب: صورت مسؤلہ میں شرعا میت کو غسل دینا ضروری تھا، بغیر غسل کے اس کی نماز جنازہ پڑھنا صحیح نہیں ہوا، لہذا امام صاحب غسل دیے بغیر جنازہ پڑھانے کی وجہ سے توبہ و استغفار کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
البحر الرائق: (باب الشہید، 343/2، ط: رشیدیۃ)
ہو (أي الشہید) من قتلہ أہل الحرب والبغی…قید بکونہ مقتولاً؛ لأنہ لو مات حتف أنفہ أو تردی من موضع، أو احترق بالنار، أو مات تحت ہدم أو غرق، لا یکون شہیداً: أي في حکم الدنیا، وإلا فقد شہد رسول اللّٰہ صلی اللّٰہ علیہ وسلم للغریق والحریق والمبطون والغریب بأنہم شہداء، فینالون ثواب الشہداء۔
واللہ تعالٰی اعلم بالصواب
دارالافتاء الاخلاص،کراچی
Accident say marnay walay ko ghusl dia jae ga, se, marne, wale, ghusul, ghusal, jaega,
The one who dies in an accident will be given bath