سوال:
السلام علیکم، مفتی صاحب! کیا جانور کو خصی کرنا اس میں عیب شمار ہوگا؟ کیونکہ خصی کرنا گویا کہ نسل کشی کرنا ہے۔
جواب: واضح رہے کہ جانور کو خصی کرنا عیب نہیں ہے، خود آنحضرت صلی اللہ علیہ وسلم نے خصی جانور کی قربانی فرمائی ہے، جس سے خصی جانور کی قربانی کرنے کا جواز بلکہ افضلیت معلوم ہوتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
تبیین الحقائق: (کتاب الأضحیۃ، 479/6، ط: زکریا)
ویضحي بالخصي، وعن أبي حنیفۃؒ ہو أولی؛ لأن لحمہ أطیب، وقد صح أن النبي صلی اﷲ علیہ وسلم ضحي بکبشین أملحین موجوئین … والموجوء المخصي، الوجاءہو أن یضرب عروق الخصیۃ بشيء۔
واللہ تعالٰی اعلم بالصواب
دارالافتاء الاخلاص،کراچی