سوال: السلام علیکم، مفتی صاحب! اگر لڑکی والے کسی لڑکے سے منگنی کرنے کے بعد یہ کہیں کہ ہم اس رشتے کو ختم کرنا چاہتے ہیں، ہمارے خاندان والے اس رشتے پر راضی نہیں ہیں، جب کہ لڑکے والے اس رشتے کو ختم کرنا نہیں چاہتے، کیا اس صورت میں لڑکے کی مرضی کے بغیر رشتہ ختم ہو سکتا ہے؟

جواب: واضح رہے کہ منگنی وعدہ نکاح کا نام ہے، عقد نکاح کا نہیں، اور منگنی توڑنا وعدہ خلافی ہے، اور بغیر کسی معقول اور صحیح عذر کے وعدہ خلافی کرنا گناہ ہے، لہذا منگنی توڑنے کے لئے لڑکے کی رضامندی ہونا ضروری نہیں ہے۔