سوال: حضرت ! اگر ہم ایک دوسرے کے لیے استغفار کریں، تو کیا اس سے دوسرے کو فائدہ ہو گا، جبکہ استغفار کی اصل دل میں ندامت ہے، اگر ہم غائبانہ طور پر کسی کے لیے استغفار کریں تو اس کے دل میں ندامت تو نہیں ہو گی؟ جبکہ اللہ پاک نبی ﷺ سے فرماتے ہیں کہ آپ ان کے لیے استغفار کریں، تو اس کا کیا مطلب ہوگا؟ جزاک اللہ خیرا

جواب: استغفار ‘‘ کے معنی اللہ سے مغفرت وبخشش کی دعا کرنے کے ہیں اور  استغفار دراصل اپنے لئے مغفرت کی دعا ہے، اگر کوئی شخص استغفار کرکے اس کا اجر وثواب میت کو پہنچانے کی دعا کرے، تو امید ہے کہ اللہ تعالیٰ اس کا ثواب میت کو پہنچا دیں گے۔ اس اعتبار سے میت کے لئےاستغفار کا ورد کرنے میں حرج نہیں ہے، البتہ اگر کوئی شخص اس نیت سےاستغفار کے کلمات پڑھے کہ وہ میت کی طرف سے مغفرت طلب کررہا ہے، تو یقینا یہ خلافِ واقعہ ہے۔