سوال: السلام علیکم، مفتی صاحب ! یہ معلوم کرنا تھا کہ اگر کسی شخص نے اپنی میراث میں وصیت کی کہ ایک ثلث اللہ کی راہ میں خرچ کرنا ہے، تو اب اس کا مصرف اللہ کی راہ میں میں کیا ہوگا، یعنی زکوۃ کے مصرف میں جائے گی یا صدقہ اور عطیہ کے مصرف میں جاسکتی ہے، اور تمام ورثاء کا متفق ہونا ضروری ہے یا نہیں؟

جواب: واضح رہے کہ اپنی وفات سے قبل ایک تہائی مال اللہ کے راستے میں خرچ کرنے کی وصیت کرنا جائز ہے، لہذا وصیت کرنے والے کی وفات کے بعد حسب وصیت ایک تہائی مال کو راہ خدا خرچ کرنا ورثاء کے لیے ضروری ہے۔
چونکہ وصیت کرنے والے نے کوئی مصرف متعین نہیں کیا ہے، لہذا یہ فیصلہ ورثاء کی صوابدید پر ہے، کہ وہ جس مصرف کو اپنے ماحول اور علاقے کے لحاظ سے زیادہ ضرورت مند اور فائدہ مند محسوس کریں، تو اس میں وہ خرچ کر سکتے ہیں۔