سوال: السلام علیکم، مفتی صاحب ! کیا سفر میں نماز کی طرح روزے میں بھی کوئی گنجائش ہے؟ یعنی جس طرح چار رکعت والی نماز دو پڑھتے ہیں، تو کیا اسی طرح روزہ سے متعلق بھی کوئی حکم ہے؟

جواب: واضح رہے کہ شرعی مسافر کو دورانِ سفر روزہ رکھنے یا نہ رکھنے دونوں کا اختیار ہے، البتہ روزہ نہ رکھنے کی صورت میں بعد میں اس روزہ کی قضا کرنا لازم ہوگی، تاہم اگر سفر کے دوران روزہ رکھنے میں سہولت ہے، دشواری نہیں ہے تو روزہ رکھ لینا بہتر ہے، اگر روزہ رکھنے میں مشقت اور دشواری ہے تو اس صورت میں روزہ نہ رکھنے کی بھی اجازت ہے اور بعد میں اس روزہ کی قضا کرلے۔