سوال: السلام علیکم، مفتی صاحب ! اگر ایک شخص کسی بچی کو گود لے اور اسے پال پوس کر اس کی شادی بھی کروادے، تو کیا وہ لڑکی اس شخص کے لیے محرم ہو گی؟
مزید یہ بھی رہنمائی فرمائیں کہ کیا وہ شخص اس لڑکی کے ساتھ عمرہ پر جا سکتا ہے؟

جواب: صورتِ مسئولہ میں اگر مذکورہ بچی کو اس کی عمر دوسال مکمل ہونے سے پہلے پالنے والے کی بیوی نے اپنا دودھ پلایا ہو یا اس مرد کا کسی حیثیت سے اس بچی کے ساتھ رضاعت یا محرمیت کا رشتہ ہو، تو وہ بچی پالنے والے کے لیے محرم شمار ہوگی اور وہ پالنے والے کے ساتھ عمرہ پر بھی جا سکتی ہے، اور اگر دودھ نہیں پلایا تھا تو صرف گود لینے سے مذکورہ بچی گود لینے والے کے لیے محرم نہیں بنے گی۔