سوال:
حضرت یہ پوچھنا ہے کہ اگر نماز کے دوران سجدہ یا قعدہ میں سر سے ٹوپی گر جائے تو کیا اٹھا کے دوبارہ سر پر رکھ سکتے ہیں یا نہیں؟
جواب: واضح رہے کہ دورانِ نماز عمل کثیر کرنے سے نماز فاسد ہوجاتی ہے، عمل کثیر اس عمل کو کہتے ہیں کہ نمازی کو باہر سے دیکھنے والا یہ سمجھے کہ یہ شخص نماز میں نہیں ہے، اسی طرح جس کام کے لیے دونوں ہاتھوں کا استعمال کیا جائے وہ بھی عمل کثیر ہے ، لہذا پوچھی گئی صورت میں سجدہ یا قعدہ میں ایک ہاتھ سے ٹوپی اٹھا کر سر پر رکھ لینےسے نماز فاسد نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (101/1، ط: دار الفکر)
العمل الكثير يفسد الصلاة والقليل لا. كذا في محيط السرخسي واختلفوا في الفاصل بينهما على ثلاثة أقوال۔۔۔۔۔(والثالث) أنه لو نظر إليه ناظر من بعيد إن كان لا يشك أنه في غير الصلاة فهو كثير مفسد وإن شك فليس بمفسد وهذا هو الأصح. هكذا في التبيين وهو أحسن. كذا في محيط السرخسي وهو اختيار العامة كذا في فتاوى قاضي خان والخلاصة۔
بدائع الصنائع: (241/1، ط: دار الکتب العلمیة)
كل عمل لو نظر الناظر إليه من بعيد لا يشك أنه في غير الصلاة فهو كثير، وكل عمل لو نظر إليه ناظر ربما يشبه عليه أنه في الصلاة فهو قليل وهو الأصح
واللہ تعالٰی اعلم بالصواب
دارالافتاء الاخلاص،کراچی