سوال:
اگر عورت کا شوہر فوت ہو جائے اور اس کی کوئی اولاد نہ ہو تو اسے شوہر کی جائیداد میں سے کتنا حصہ ملے گا اور وہ عورت بغیر اولاد کے فوت ہو جائے تو شوہر کی وراثت میں ملنے والی جائیداد کس طرف جائے گی؟ عورت کے بھائی یا عورت کے شوہر کے بھائی؟
جواب: واضح رہے کہ اگر شوہر کا انتقال ہو جائے اور اس کی اولاد نہ ہو تو شوہر کی میراث میں سے اس کی بیوی کو ایک چوتھائی (1/4) حصہ ملتا ہے۔ نیز بھابھی کی میراث میں دیور (شوہر کے بھائی) کا کوئی حصہ مقرر نہیں ہے۔
لہذا پوچھی گئی صورت میں مرحومہ بھابھی کو اپنے شوہر کی میراث میں سے ملنے والا حصہ ان (بھابھی) کے شرعی ورثاء (جن میں ان کا بھائی بھی شامل ہے) میں شریعت کے میراث کے قانون کے مطابق تقسیم ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (النساء، الایة: 12)
ولھن الربع مما ترکتم ان لم یکن لکم ولد فان کان لکم ولد فلھن الثمن مما ترکتم.... الخ.
الھندیة: (الباب الثانی فی ذوی الفروض، 447/6، ط: دار الفکر)
و يستحق الإرث بإحدى خصال ثلاث: بالنسب و هو القرابة، و السبب وهو الزوجية، والولاء.
المبسوط للسرخسی: (55/30، ط: دار المعرفة)
وإذا مات الرجل ولم تقسم تركته بين ورثته حتى مات بعض ورثته فالحال لا يخلو إما أن يكون ورثة الميت الثاني ورثة الميت الأول فقط أو يكون في ورثة الميت الثاني من لم يكن وارثا للميت الأول۔۔۔۔۔وأما إذا كان في ورثة الميت الثاني من لم يكن وارثا للميت فإنه تقسم تركة الميت الأول أولا لتبين نصيب الثاني، ثم تقسم تركة الميت الثاني بين ورثته۔۔۔الخ
واللہ تعالٰی اعلم بالصواب
دارالافتاء الاخلاص،کراچی