عنوان:
محمد نام رکھنا کیسا ہے؟(3825-No)
سوال:
السلام علیکم، مفتی صاحب میرا نام محمد ہے، میں یہ معلوم کرنا چاہتا ہوں کیا میرا یہ نام رکھنا صحیح ہے؟ کیونکہ بعض میرے دوستوں کا یہ کہنا ہے کہ محمد نام نہیں رکھنا چاہیے، کیونکہ اس میں آپ صلی اللہ علیہ وسلم کے نام کی بے ادبی لازم آتی ہے۔
جواب: آپ صلی اللہ علیہ وسلم کے نام مبارک پر اپنے بچوں کے نام رکھنا صحابہ کرام کے دور سے آج تک مسلمانوں میں رائج ہے، اور آپ صلی اللہ علیہ وسلم نے یہ نام رکھنے کی اجازت دی ہے، بلکہ ایک حدیث میں محمد نام رکھنے کی فضیلت آئی ہے، لہذا محمد نام رکھنے میں کوئی حرج نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح البخاري: (کتاب العلم، رقم الحدیث: 110)
عن أبي ہریرۃ عن النبي صلی اللّٰہ علیہ وسلم قال: تسموا باسمي ولاتکتنوا بکنیتي ومن رآني في المنام فقد رآني، فإن الشیطان لایتمثل في صورتي ومن کذب عليّ متعمدا فلیتبوأ مقعدہ من النار۔
رد المحتار: (598/9)
من ولد لہ مولودٌ فسمّاہ محمّدًا کان ہو ومولودہ في الجنّة
واللہ تعالٰی اعلم بالصواب
دارالافتاء الاخلاص،کراچی
Muhammad, Naam, rakhna, kaisa, hay, he, hai, hei,
How is it to keep name Muhammad, Keeping name Muhammad, Boys name, Given name Muhammad,