سوال: السلام علیکم، مفتی صاحب! کیا کوئی شخص اپنے نام کے آگے عقیدت اور محبت کی وجہ سے "صدیقی یا فاروقی" لگاسکتا ہے، جبکہ اس کا شجرۂ نسب ان سے نہیں ملتا، کیا اس صورت میں عقیدہ اور محبت کی وجہ سے یہ تخلص رکھنا جائز ہے؟

جواب: واضح رہے کہ عقیدت اور محبت کے اظہار کے لئے کسی بزرگ کی طرف نسبت کرنے میں کوئی مضائقہ نہیں ہے، لیکن چونکہ "صدیقی، فاروقی" وغیرہ نام کے آگے لگانے سے تلبیس کا احتمال ہے کہ سننے والے یہ خیال کریں گے کہ ان کا بزرگ کے ساتھ کوئی نسبی تعلق ہے، جبکہ غلط نسب جتانا حرام ہے، اس لیے یہ درست نہیں ہوگا۔