عنوان:
کیا نومولود کے پیدائشی بال کاٹنا ضروری ہیں؟(3856-No)
سوال:
السلام علیکم، مفتی صاحب! جب کوئی نومولود بچہ پیدا ہو، تو کیا اس کے سر کے بال کاٹنا ضروری ہیں؟ سنا ہے کہ جب تک اس کے پورے سر کے بال نہ کاٹے جائیں، بالوں میں غلاظت رہ جاتی ہے، جس کی وجہ سے بالوں میں ہاتھ لگانے سے ہاتھ ناپاک ہو جاتا ہے، اور اسے دھونا ضروری ہوتا ہے، کیا یہ بات صحیح ہے؟
جواب: واضح رہے کہ نومولود بچہ کی پیدائش کے بعد جب اسے نہلا دیا جاتا ہے، تو اس سے اس کے بال پاک ہوجاتے ہیں، البتہ پیدائشی بال اتار دینا سنت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوۃ المصابیح: (باب العقیقۃ، ص: 362)
عن سمرۃ بن جندب رضي اللّٰہ عنہ قال: قال رسول اللّٰہ صلی اللّٰہ علیہ وسلم: الغلام مرتہن بعقیقتہ تذبح عند یوم السابع ویسمی ویحلق رأسہ۔رواہ الترمذي
واللہ تعالٰی اعلم بالصواب
دارالافتاء الاخلاص،کراچی
Kia, nomaulud, nomolood, ky, paidaishi, baal, kaatna, katna, zaroori, zaruri, hain,
Is it obligatory to cut hairs of the new born, newborn, mandatory, compulsory, necessary