سوال:
السلام علیکم، مفتی صاحب ! کیا نمک سے روزہ کھولنا جائز ہے؟
جواب: واضح رہے کہ نمک سے افطار کرنا جائز ہے، البتہ نمک سے افطار کرنا سنت سے ثابت نہیں ہے، حضورﷺ کا یہ معمول تھا کہ کھجور سے افطار کرتے ،اگرکھجور نہ ملتی تو چھوارے سے، ورنہ پانی سے افطار فرماتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوٰۃ المصابیح: (175/1)
عن انس رضی اللہ عنہ قال کان النبی ﷺیفطرقبل ان یصلی علی رطبات فان لم تکن رطبات فتمیرات فان لم تکن تمیرات حساحسوات من ماء۔
واللہ تعالٰی اعلم بالصواب
دارالافتاء الاخلاص،کراچی