سوال: السلام علیکم، مولانا صاحب ! میں نے سنا ہے کہ اصحاب کہف کے اسماء گرامی اگر کاغذ پر تحریر کرکے گھر کے دروازے پر لٹکائیں تو گھر میں کوئی آفت یا بلا داخل نہیں ہوگی۔
یہ بھی سنا ہے کہ اس کا تذکرہ مولانا اشرف علی تھانوی صاحب کے ترجمے والے قران شریف کے حاشیے پر کسی جگہ درج ہے۔
براہ کرم تفصیلاً جان کاری دیں۔

جواب: واضح رہے کہ اصحابِ کہف کے ناموں کے فوائد کا قرآن وحدیث سے کوئی ثبوت نہیں ہے، البتہ جلالین شریف کے حاشیہ میں عبداللہ بن عباس رضی اللہ تعالیٰ عنہما کے حوالے سے اسمائے کہف کے ناموں کے کچھ فوائد مذکور ہیں، لہذا یہ بزرگوں کے مجربات میں سے ہے، اور اس کو مجرب عمل سمجھ کر کیا جائے، تو شرعا اس کی گنجائش ہے۔