سوال: السلام علیکم، مفتی صاحب! رمضان المبارک میں تراویح پڑھانے والے حافظ کو ختم قرآن کے موقع پر بعض حضرات کچھ نذرانہ اور ہدیہ وغیرہ دیتے ہیں، کیا حافظ کے لیے اس طرح ختم قرآن پر نذرانہ اور ہدیہ لینا جائز ہے؟

جواب: واضح رہے کہ اگر لوگ ختم قرآن کے موقع پر حافظ صاحب کو کچھ نذرانہ، ہدیہ یا تحائف وغیرہ دیتے ہیں، اگر پہلے سے کوئی بات طے نہیں ہوئی تھی، بلکہ اپنی خوشی سے ذاتی طور پر رقم یا کپڑے وغیرہ دیتے ہیں، تو دینے اور لینے کی گنجائش ہوگی، اگرچہ اس سے بھی بچنا بہتر ہے، اور اگر پہلے سے طے شدہ ہے یا زبردستی چندہ کرکے جمع کیا ہے، تو دینا اور لینا درست نہیں ہے۔