سوال:
السلام علیکم، مفتی صاحب! جیسا کہ آج کل گرمی کا موسم ہے، اور مساجد میں تراویح کے دوران مقتدی کافی پریشانی کا شکار ہوتے ہیں، تو کیا اس صورت میں مسجد کی چھت پر عشاء اور تراویح کی جماعت کروائی جاسکتی ہے؟
جواب: گرمی کی وجہ سے مسجد کے اندرونی حصے اور مسجد کے صحن کو چھوڑ کر چھت پر عشاء اور تراویح وغیرہ کی جماعت کروانا مکروہ ہے، ہاں مسجد کے اندرونی حصے اور صحن میں جگہ خالی نہ ہونے کی وجہ سے مجبوری میں چھت پر نماز پڑھنا بلا کراہت جائز ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار:(428/2، ط: زکریا)
ثم رأیت القہستاني نقلاً عن المفید کراہۃ الصعود علی سطح المسجد، ویلزمہ کراہۃ الصلاۃ أیضا فوقہ۔
الھندیة: (323/1)
والصعود علی سطح کل مسجد مکروہ، ولہذا إذا اشتد الحر یکرہ أن یصلوا بالجماعۃ فوقہ إلا إذا ضاق المسجد، فحینئذ لا یکرہ الصعود علی سطحہ للضرورۃ۔
واللہ تعالٰی اعلم بالصواب
دارالافتاء الاخلاص،کراچی