سوال:
السلام علیکم، مفتی صاحب! اگر کسی نے تراویح کی نماز نہیں پڑھی اور وقت ختم ہو گیا، تو اب کیا حکم ہے؟
جواب: تراویح کا وقت عشاء کی نماز کے بعد سے لے کر طلوعِ فجر تک ہے، لہذا اگر کوئی شخص وقت کے اندر تراویح نہ پڑھ سکا، تو اس پر تراویح کی قضا لازم نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (باب الوتر و النوافل، 494/2- 495، ط: زکریا)
ولا تقضی إذا فاتت (أصلاً) ولا وحدہ فی الأصح، فإن قضاہا کان نفلا مستحبا، ولیس بتراویح کسنۃ مغرب وعشاء۔
الفتاوی التاتارخانیة: (الفصل الثالث عشر في التراویح، 335/2، ط: زکریا)
إذا فات التراویح عن وقتہا ہل یقضی؟ -إلی- وقال بعضہم: لا یقضي أصلا، وہو أصح۔
واللہ تعالٰی اعلم بالصواب
دارالافتاء الاخلاص،کراچی