سوال: مفتی صاحب ! اگر والد اپنی زندگی میں بیٹے کو الگ گھر دیکر جدا کردے، تو کیا باپ کے مرنے کے بعد بقیہ جائیداد میں یہ بیٹا شریک ہوگا یا نہیں؟

جواب: زندگی میں اولاد کو کچھ دینا ہبہ کہلاتا ہے، جبکہ میراث مرنے کے بعد جاری ہوتی ہے، لہذا اگر زندگی میں اولاد کو کچھ جائیداد وغیرہ دے دی ہو، تو اس دینے سے وہ میراث سے محروم نہیں ہوتا۔
پس صورتِ مسئولہ میں والد نے جس بیٹے کو زندگی میں مکان دیا تھا، والد کے مرنے کے بعد والد کی میراث سے محروم نہیں ہوگا، بلکہ دوسرے شرعی ورثاء کی طرح اس بیٹے کو بھی والد کی میراث میں سے حصہ ملے گا۔