سوال:
السلام علیکم، مفتی صاحب! روزے کا فدیہ کیا ہے؟ اور کون شخص فدیہ دے سکتا ہے؟
جواب: جو شخص بڑھاپے یا دائم المریض ہونے کی وجہ سے روزے رکھنے پر قادر نہ ہو، نہ ہی مستقبل میں اس کے صحت یاب ہونے کی کوئی امید ہو، تو ہر روزے کے بدلے میں پونے دو کلو گندم یا اس کی قیمت بطور فدیہ دے سکتا ہے، لیکن اس کے بعد اگر صحت یاب ہوگیا، تو دوبارہ قضا کرنا ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (کتاب الصوم، 207/1، ط: دار الفکر)
فالشیخ الفانی الذی لا یقدر علی الصیام یفطر ویطعم لکل یوما مسکینا
واللہ تعالٰی اعلم بالصواب
دارالافتاء الاخلاص،کراچی