سوال:
حضرت! کیا دبلے پتلے کمزور جانور کی قربانی ہو سکتی ہے یا نہیں؟
جواب: واضح رہے کہ دبلے جانور کی قربانی درست ہے، البتہ ایسا دُبلا اور لاغر جانور جس کی ہڈیوں میں گودا نہ ہو یا وہ خود چل کر ذبح کی جگہ تک نہ جاسکتا ہو تو ایسے کمزور اور لاغر جانور کی قربانی جائز نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (323/6، ط: دارالفکر)
واعلم ان الکل لا یخلو من عیب والمستحب ان یکون سلیما عن العیوب الظاھرۃ فما جوز ھھنا جوز مع الکراھۃ۔
الفتاوی الخانیة: (فصل في العیوب ما یمنع الأضحیة و ما لا یمنع، 353/3)
ولا یجوز العرجاء التي لا تقدر علی القیام والمشي إلی المذبح وإن قدرت جاز۔
واللہ تعالٰی اعلم بالصواب
دارالافتاء الاخلاص،کراچی