سوال:
السلام علیکم، مفتی صاحب! کیا روزے کی حالت میں سوئمنگ پول میں نہانا صحیح ہے؟ اس سے روزے پر تو کوئی اثر نہیں پڑے گا؟
جواب: روزے کی حالت میں سوئمنگ پول یا نہر وغیرہ میں غوطہ لگانے سے روزہ نہیں ٹوٹتا، بشرطیکہ پانی منہ یا ناک کے راستے سے حلق سے نیچے نہ اترے، ورنہ روزہ ٹوٹ جائے گا اور قضا لازم ہوگی، جو شخص تیراکی اچھی طرح نہ جانتا ہو، اس کے لیے روزے کی حالت میں پانی میں غوطہ لگانا مناسب نہیں ہے، کیونکہ پانی حلق کے راستے اندر جانے کا اندیشہ ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (401/2، ط: سعید)
وان افطرخطاً؛کأن تمضمض فسبقہ الماء…
(قولہ وإن أفطر خطأ) شرط جوابہ قولہ الآتی قضی فقط…… والمراد بالمخطیٔ من فسد صومہ بفعلہ المقصود دون قصد الفساد۔
واللہ تعالٰی اعلم بالصواب
دارالافتاء الاخلاص،کراچی