سوال:
السلام علیکم، مفتی صاحب! روزے دار کا مسواک استعمال کرنا کیسا ہے؟ اور روزے کی حالت میں ٹوتھ پیسٹ استعمال کرنا کیسا ہے؟
جواب: روزہ دار کے لیے روزے کے دوران مسواک کرنا جائز ہے، اس سے روزہ پر کوئی اثر نہیں پڑے گا اور روزہ مکروہ بھی نہیں ہوگا، البتہ روزے کی حالت میں ٹوتھ پیسٹ استعمال کرنا مکروہ ہے، کیونکہ حلق میں ٹوتھ پیسٹ کے ذرات جانے کا اندیشہ ہے، چنانچہ اگر روزہ کی حالت میں ٹوتھ پیسٹ کرتے ہوئے حلق میں ٹوتھ پیسٹ چلا گیا تو روزہ فاسد ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (الباب الثالث فیما یکرہ للصائم و ما لایکرہ، 199/1، ط: زکریا)
کرہ ذوق شئ ومضغہ بلاعذر کذا في الکنزومن العذر في الأول مالوکان زوج المرأۃ وسید ہا سیئ الخق فذاقت المرقۃ ومن العذر۔ في الثاني: أن لاتجد من یضغ الطعام لصبیہا من حائض أونفساء أو غیرہما ممن لایصوم ولم تجد طبیخا ولالبنا حلیبا۔
واللہ تعالٰی اعلم بالصواب
دارالافتاء الاخلاص،کراچی